Reúne até 133 poemas de Aurelio Aguirre, máis de oitenta deles son inéditos. Outros, como o célebre “Brindis” de Conxo, aparecen agora por vez primeira completos e sen censuras.

Recuerdos de agosto. Obra poética, 1850-1858  reúne até 133 poemas de Aurelio Aguirre, máis de oitenta deles son inéditos. Outros, como o célebre “Brindis” de Conxo, aparecen agora por vez primeira completos e sen censuras. Nunha edición crítica, introducción e notas a cargo da profesora Olivia Rodríguez González e cun estudo histórico da man de Xurxo Martínez González.  A reprodución de manuscritos inéditos completa esta coidada edición coa que pretendemos reparar en algo a débeda histórica que, cara á súa figura, Galicia enteira e tamén o movemento romántico español, contraeron durante todo este tempo. Aurelio Aguirre Galarraga naceu en Santiago de Compostela en 1833 e, con tan só 25 anos de idade, faleceu traxicamente en 1858 na praia coruñesa de San Amaro. Foi un mozo cheo de talento, paixón pola vida e ansias de liberdade nunha Galicia e unha España convulsas baixo o reinado de Isabel II. Pero case ninguén, até agora, se ocupou da súa obra, boa parte dela, inédita. Foi o poeta compostelán máis popular do seu tempo, o heroe do histórico Banquete de Conxo de 1856, o coñecido como o «Espronceda galego», o amigo íntimo de Murguía e Rosalía de Castro, e compañeiro de toda unha xeración de creadores que, moi pouco despois da súa morte, protagonizaría o Rexurdimento das Letras Galegas.

____