Mula kay Baybayan ng epikong-bayang Ulahingan hanggang sa mga batang naulila ng drug war, inilahad sa 144 na dagli ang mga kuwentong bumubuo sa ating bayan.

Minsa’y naratibo, minsan’y ekspositoryo. May liriko at transgresibo. Ipinapaunawa ng koleksiyong ito ang kaligirang pangkasaysayan ng dagli sa pamamagitan ng mga tekstong may tig-100 salita (dadaanin/drabble).

Nagsimula sa problematique na “Ano nga ba ang dagli?” at sinarbey ang katutubong anyo sa ating panitikan at pamamahayag. Tula? Tulang tuluyan? Maikling-maikling kuwento? Simple man ang mga imahen, nagtataglay ang mga dagli ng makapangyarihang komentaryo para sa panlipunang pagbabago.