"Ako? Magtuturo ng Bible study? Mahiyain ako eh.
Nanginginig ako sa harap ng mga tao."
"Wala naman akong masyadong alam tungkol sa Biblia."
"Trabaho 'yan ng mga pastor, matatanda sa iglesya, teologo, at misyonaryo. Sino naman ako para gawin 'yun?"

Maaaring ito ang maging reaksyon mo kapag hiniling ka na manguna sa Bible study. Pero ang iyong pakiramdam ng kakapusan ay dapat mauwi sa kahandaan mong matuto. Ang pangunguna sa Bible study ay hindi ganoon kahirap gaya ng iniisip mo. Pwede pa nga itong maging kawili-wili at mabunga.

Mula noong nilathala ang How to Lead Bible Studies noong 1967 ng
Inter Varsity Christian Fellowship of the Philippines, subok na ang pagiging kapaki-pakinabang nito, hindi lang sa mga paaralan kundi pati na rin sa mga iglesya. Ang nirebisa, in-update at isinalin sa Filipino na bersyon nito ay nagbibigay ng mga gabay kung paano pag-aralan ang Biblia nang mag-isa at kung paano manguna ng Bible study.

May kalakip din ditong halimbawa kung paano gawin at talakayin ang dalawang uri ng Bible study: "Bible Study Tungkol sa Kaligtasan" at "Bible Study Para sa Disipulo."

Matuwa ka sa pagkakataong ibahagi ang Salita ng Diyos sa iba!
Masaking responsibilidad at mahalagang oportunidad ang manguna sa Bible studies. Ang nangunguna sa Bible study ay mas maraming natututunan kaysa sa nakikinig lamang!